కావాల్సినవి:
- సన్నగా తరిగిన దుంపలు-1 కప్పు,
- టమాటాలు-1 కప్పు,
- పచ్చి మిర్చి-2,
- గరం మసాలా-1/2 టీస్పూన్,
- నూనె-3 టేబుల్ స్పూన్స్,
- ఆవాలు-3/4 టీస్పూన్,
- ఎండు మిర్చి-2,
- జీలకర్ర-1/2 టీస్పూన్,
- పచ్చి సెనగ పప్పు-1/2 టీస్పూన్,
- ఉల్లిపాయ-1,
- అల్లంవెల్లుల్లి ముద్ద -1 టీస్పూన్ ,
- కరివేపాకు-2రెమ్మలు,
- ఉప్పు-తగినంత,
- కారం-1 టీస్పూన్.
స్టవ్ మీద గిన్నె పెట్టుకుని నూనె వేసి వేడి అయ్యాక ఆవాలు, జీలకర్ర, పచ్చి సెనగ పప్పు, కరివేపాకు, ఎండు మిర్చి వేసి వేగాక ఉల్లిపాయ ముక్కలు ,పచ్చిమిర్చి, పసుపు, అల్లం వెల్లుల్లి ముద్ద వేసి 2 నిమిషాలు వేయించుకుని బంగాళాదుంప ముక్కలు వేసుకోవాలి .
ఉప్పు చల్లి మూత పెట్టుకుని 3 నిమిషాలు మగ్గించుకున్న తరువాత టమాటా ముక్కలు, కారం, గరం మసాలా వేసి కలిపి ,ఒక కప్పు నీరు పోసుకుని 10 నిమిషాలు కూర దగ్గరికి పడే వరకు ఉడికించుకోవాలి. అంతే బంగాళాదుంప టమాటా కూర సిద్ధం.
ఈ కూర అన్నం,చపాతీ, రోటీలోకి రుచిగా ఉంటుంది.
No comments:
Post a Comment