కావాల్సినవి:
- మీల్ మేకర్ -1 పెద్ద కప్పు,
- ఉల్లిపాయ-1,
- టమాటా-4,
- పచ్చి మిర్చి-2,
- పచ్చి కొబ్బరి పొడి-2 /3 టేబుల్ స్పూన్స్(ఆప్షనల్),
- అల్లం వెల్లుల్లి పేస్ట్-1టేబుల్ స్పూన్,
- గరం మసాలా-1 టేబుల్ స్పూన్,
- కారం -1 టీ స్పూన్,
- పసుపు-చిటికెడు,
- ఉప్పు-తగినంత,
- నూనె-3టేబుల్ స్పూన్స్,
- ఆవాలు-3/4 టీ స్పూన్,
- జీలకర్ర- 1/2 టీ స్పూన్,
- పచ్చి సెనగ పప్పు-1/2 టీ స్పూన్,
- కరివేపాకు-2రెమ్మలు,
- కొత్తిమీర -కొద్దిగా.
తయారీ:స్టవ్ మీద కడాయి పెట్టి నూనె వేసి వేడి అయ్యాక ఆవాలు, పచ్చిసెనగపప్పు, జీలకర్ర, కరివేపాకు, పసుపు వేసి వేగాక ఉల్లిపాయ ముక్కలు, అల్లం వెల్లుల్లి పేస్ట్ వేసి 2 నిమిషాలు వేయించి, మీల్ మేకర్ ని నీటిలో నుండి తీసి, నీరు లేకుండా పిండి కడాయిలో వేసి ఉప్పు చల్లుకుని 3 నిమిషాల పాటు వేయించుకోవాలి.
తరువాత టమాటా ముక్కలు వేసి 2 నిముషాలు మగ్గించాక గరం మసాలా,కారం వేసి కలిపి 1/2 కప్పు నీరుపోసుకుని మూత పెట్టి మరో 10 నిముషాలు కూర దగ్గరికి పడే వరకు ఉడికించుకుని చివరగా కొత్తిమీర చల్లుకుని స్టవ్ ఆఫ్ చేసి గిన్నెలోకి తీసుకుని వడ్డించుకోవాలి. ఈ కూర రైస్,చపాతీ,రోటిలో తినటానికి బాగుంటుంది.
గమనిక:మీల్ మేకర్స్ ని ముందుగా శుభ్రంగా కడిగి వేడి నీటిలో వేసి 30 నిమిషాలపాటు నాన పెట్టుకోవాలి. పెద్ద మీల్ మేకర్స్ ఐతే కట్ చేసుకుని వాడుకోవాలి. గరం మసాలా,కారం మీ రుచికి తగినట్టుగా వేసుకోగలరు.
No comments:
Post a Comment